સુઝુકી મોટર કોર્પના ભૂતપૂર્વ ચેરમેન ઓસામુ સુઝુકીનું 94 વર્ષની વયે અવસાન

સુઝુકી મોટર કોર્પના ભૂતપૂર્વ ચેરમેન ઓસામુ સુઝુકીનું 94 વર્ષની વયે અવસાન

સુઝુકી મોટર કોર્પો.ના ભૂતપૂર્વ ચેરમેન ઓસામુ સુઝુકીનું નિધન થયું છે. તેમણે 94 વર્ષની વયે અંતિમ શ્વાસ લીધા. ઓસામુ સુઝુકીએ 40 વર્ષથી વધુ સમય સુધી સુઝુકી મોટર કોર્પનું નેતૃત્વ કર્યું અને વર્ષ 2021માં નિવૃત્તિની જાહેરાત કરી. તે સમયે તેમની ઉંમર 91 વર્ષની હતી.

ઓસામુ સુઝુકીનું 25 ડિસેમ્બરે અવસાન થયું હતું
કંપનીએ શુક્રવાર 27મી ડિસેમ્બરે સુઝુકી મોટર કોર્પના ચેરમેનના મૃત્યુની માહિતી આપી હતી, જોકે તેમનું મૃત્યુ 25મી ડિસેમ્બરે થયું હતું. કંપની દ્વારા જારી કરાયેલા નિવેદન અનુસાર આ જાણકારી મળી છે. ઓસામુ સુઝુકીના નેતૃત્વ હેઠળ, કંપનીએ વૈશ્વિક બજારમાં વિસ્તરણ કર્યું. કંપની ખાસ કરીને તેની મીની કાર અને મોટરસાઈકલ માટે પ્રખ્યાત છે.

ઓસામુ સુઝુકીની જીવનયાત્રા
સુઝુકીની જીવન યાત્રા એક સામાન્ય પરિવારમાંથી શરૂ થઈ હતી અને ઓસામુ સુઝુકીનો જન્મ 30 જાન્યુઆરી, 1930ના રોજ જાપાનના ગેરો-ગીફુ પ્રીફેક્ચરમાં થયો હતો. ટોક્યોમાં ચાઓ યુનિવર્સિટીમાં કાયદાની ડિગ્રી પ્રાપ્ત કરતી વખતે, તેણે પોતાની જાતને ટેકો આપવા માટે જુનિયર હાઈસ્કૂલ શિક્ષક અને નાઈટ ગાર્ડ તરીકે કામ કર્યું. 1953 માં સ્નાતક થયા પછી, તેણે શરૂઆતમાં એક બેંકમાં કામ કર્યું, પરંતુ પછી લગ્ન કર્યા અને સુઝુકી પરિવારના વ્યવસાયમાં જોડાયા. આ ટર્નિંગ પોઈન્ટે તેમની છ દાયકાની કારકિર્દીની શરૂઆત કરી.